तपाईलाई हाम्रो संस्थामा स्वागत छ ।

हाम्रो नेपाल बचत तथा ऋण सहकारी संस्था लि. बिर्तामोड नगरपालिका वडा नं. ४ झापाको स्थापना सहकारी ऐन २०४८ र सहकारी नियमावली २०४९ अन्तर्गत मिति २०६९ साउन १४ गते विधिवत रुपमा डिभिजन सहकारी कार्यालय भद्रपुर झापाबाट दर्ता नं. ३/१/७ (६५२) ०६९/०७० मा दर्ता भएको हो । मुलुकले अवलम्बन गरेको आर्थिक विकासका तीन खम्बाहरु सरकारी, निजि र सहकारीमध्ये सहकारी क्षेत्रलाई राज्यले नै आर्थिक विकासको मेरुदण्डको रुपमा स्वीकार गरिरहेको परिवेशमा त्यसबाट प्राप्त हुने अवसरलाई उपयोग गर्दै समाजमा रहेको आर्थिक विपन्नतालाई कम गर्न विभिन्न जाती,क्षेत्र, वर्ग र लिङ्गका समुदायहरुलाई सदस्य बनाई उनीहरुको बीचमा स्वरोजगार कार्यक्रम संचालन गर्ने,अत्मनिर्भर बन्न सहयोग गर्ने र आफ्ना सदस्यहरुको बृहत्तर हित गर्ने उदेश्यका साथ हाम्रो नेपाल, हाम्रो सहकारी, हाम्रो भविष्य भन्ने मूल नाराका साथ यो संस्था स्थापना भएको हो।